01 de mayo de 2020
01.05.2020
Faro de Vigo

Unha Festa dos Maios dixital saudará hoxe á primavera dende as pantallas

Non faltará un "maio virtual" e Ramón Rozas fará a "Benvida"

01.05.2020 | 01:34
Unha Festa dos Maios dixital saudará hoxe á primavera dende as pantallas

A Concellaría de Festas de Pontevedra non renuncia a dar a benvida ao maio como todos os anos. A pesar de que nesta ocasión a Festa dos Maios non poderá ocupar a praza da Ferraría como viña sendo tradición, o departamento que dirixe Carme da Silva adapta hoxe o formato habitual ao eido dixital.

Para iso contará cun amplo abano de colaboracións tanto de entidades como de persoas a título particular.A concellaría porá en marcha hoxe, a partir das 11 horas (cando na é habitual que comece a festa na Ferraría coa Benvida ao Maio) un "maio dixital".

Haberá de novo Benvida ao Maio, tamén coplas, información de como se fai un maio, participación de cativos e cativas? Toda a documentación residirá na páxina web municipal pontevedra.gal e tamén comezará se colgará nas redes sociais municipais.

A Concellaría pediu ao documentalista Ramón Rozas que fixera a tradicional Benvida ao maio; Xosé Carlos Morgade puxo a letra á copla deste ano e Álvaro Novegil a música creada ex profeso para esta ocasión.

A imaxe desta edición representa a creación dun maio dende unha vista cenital, polo que se pode contemplar como se coloca o fiuncho, os ovos, as laranxas? Na páxina web tamén se poderán ver vídeos de como se fai un maio, capítulos dun libro editado por Xosé Carlos Morgade sobre a Festa dos maios en Pontevedra, imaxes cedidas polos centros de ensino e asociacións que habitualmente participan nesta festa para recordar edicións anteriores.

Cerponzóns

Os veciños de Cerponzóns tamén celebrarán a Festa dos Maios dun xeito virtual. A asociación "O Chedeiro" convidou aos residentes na parroquia a facerlle chegar fotografías, decoracións vexetais que fagan na casa e tamén decoracións dos balcóns. En xeral, búscase "que cada familia na súa casa viva esta data e lembre tamén como se celebraba noutros momentos históricos. A nosa intención e que se siga mantendo a tradición", destacan dende a agrupación veciñal.

Compartir en Twitter
Compartir en Facebook

GALICIA EN VINOS

Galicia en Vinos

Todos los vinos de Galicia

Consulta aquí todos los vinos de las cinco denominaciones de origen de Galicia


FaroEduca

LA MEJOR INFORMACIÓN, CERCA DE TI


FARO te ofrece un nuevo servicio de pasatiempos y juegos online

Disfruta desde tu ordenador o tu móvil de más de un centenar de retos como crucigramas o sudokus