03 de octubre de 2019
03.10.2019

Por que se chaman así as rúas da miña cidade?

O Museo acollerá o vindeiro día 19 a IV Xornada de Onomástica Galega, adicada aos nomes das rúas e toponimia tradicional

03.10.2019 | 01:43
A académica Luz Méndez, o presidente da RAG, Freixanes, e o director do Museo, José Manuel Rey. // FdV

Os nomes das rúas, e dentro deste tema como se conformaron, a toponimia urbana como recurso didáctico ou como salvagardar a toponimia tradicional. Son algúns dos temas que se analisarán na Xornada de Onomástica Galega, un encontro organizado pola Real Academia Galega e que por cuarto ano convertirá a Pontevedra en epicentro desta rama do saber que estuda os nomes propios.

O encontro celebrarse o vindeiro día 19 no Museo de Pontevedra, un ano máis anfitrión da xornada, e contará con catorce especialistas para afondar en distintos componentes sociais, históricos e políticos que están tras dos nomes das rúas nas vilas e cidades, alguns deles con 1.000 anos de antigüidade, como lembrou a coorganizadora, a académica Luz Méndez.

O presidente da Real Academia Galega, Víctor F. Freixanes, e o director do Museo, José Manuel Rey, participaron onte con Luz Méndez na presentación da xornada, un acto no que tamén se deu a coñecer o libro coas actas da edición anterior da Xornada de Onomástica, adicada aos alcumes.

A Xornada de 2019 incluirá catro sesións con conferencias nas que se tratarán temas como "A conformación dos nomes das rúas na Idade Media" (analisaranse os casos de Santiago e Baiona por parte de Gonzalo Hermo, da Universitat de Barcelona, e Gonzalo Navaza, da UVigo), "Apropiación do espazo público e memoricidio: do golpe de 1936 ás políticas públicas da memoria", un tema do que falará Antonio Míguez Macho, da Universidade de Santiago, ou "A salvagarda da toponimia tradicional fronte á hodonimia conmemorativa", na que se tratarán os casos de Pontevedra, Vigo, A Coruña e Lalín (a cargo dos técnicos dos servizos públicos de Normalización Conchi Cochón, Marta Souto, Iván Méndez e Marta Negro Romero).

As transformacións sociais, lembrou Luz Méndez, levan a que o urbanismo sexa crecente nas ciudades e se teña que nomear novos espazos. Os relatores explicarán como facelo e como se debería salvagardar a toponimia do rural, das terras e cultivos, para os nomes da nosas vías, estradas e rúas.

Tamén se tratará o tema da toponimia conmemorativa (é dicir, como se impoñen algún nomes e por que) e "o constante cambio nos rueiros das ciudades, co tema da memoria histórica moi vivo", destacou a organizadora.

Pola súa banda, Víctor F. Freixanes referiuse ao intenso traballo do Seminario de Lexicografía da Academia, que agarda presentar en poucas semanas (a previsión máis optimista é para antes de final de ano) o gran Mapa da Toponimia de Galicia.

Trátase dun proxecto para que calquera a partir de Google Maps poda sinalar rúas, parcelas, montes etc e dispor dos topónimos destes espazos. Supón, sinalou o presidente da RAG, "un traballo xigantesco e os políticos non sempre saben ver a súa utilidade, por exemplo en caso de incendios ou para localizar nunha urxencia sanitaria".

O Mapa da Topinima sumarase a outro proxecto aínda máis avanzado, o Diccionario dos Nomes Galegos, que "nun mes podería estar accesible", sinalan os académicos.

Éstes felicitanse polo traballo na RAG de divulgación da nosa lingua na rede. O seu diccionario recibe 63.000 consultas diarias sobre uso correcto dos termos, sinónimos etc e fanse dende a súa plataforma 75.000 descargas de contidos a móbiles.

Compartir en Twitter
Compartir en Facebook

GALICIA EN VINOS

Galicia en Vinos

Todos los vinos de Galicia

Consulta aquí todos los vinos de las cinco denominaciones de origen de Galicia


FaroEduca