18 de mayo de 2019
18.05.2019

Ampla participación nos premios do XX Certame de Poesía das Letras Galegas

Alumnos de diferentes colexios e Rocío Leira, na categoría de Adultos, recibiron os galardóns nun acto no Museo Torres

18.05.2019 | 06:18

O Museo Manuel Torres de Marín acolleu a entrega dos Premios da XX edición dos Premios do Día das Letras Galegas. Tanto na modalidade de escolares como de adultos, os premiados leron os seus poemas e as súas poesías, e recibiron os premios que o xurado propuso. Algúns colexios participaron de xeito comunitario e foron varios grupos deles os que recibiron os premios que quedarán para os colexios.

Na categoría de 1º e 2º de Primaria, quedou vencedor o traballo conxunto dos alumnos do CEIP Seixo, nunha novedosa forma de facer unha poesía coa colaboración dos dous cursos, co título "O traxe Galego", quedando en segundo lugar a poesía titulada "A miña irmá", de Candela Caiño sanjorge, do CPR Inmaculada, e en terceiro lugar o "Arco da Vella", de Nerea Piñeiro González, do CPR Inmaculada.

Na categoría de 3º e 4º de primaria, a gañadora foi Clara Pazos Mosteiro, coa poesía "As nenas cantareiras", do CPR Inmaculada, co segundo premio, a obra "Vila de Marín", de Daniel Graña Portela, do CEIP Sequelo, o co tercer premio, os alumnos de 3º e 4º de Seixo, coa obra "Augas de Galicia".

Na terceira categoría, 5º e 6º de primaria, quedou en primeiro lugar a obra "Cantiga de Marín", de Álvaro Pereira Omil, do CEP Sequelo, en segundo lugar a obra "Festas e romarías" dos alumnos do CEIP Seixo, e en terceiro lugar a obra "A noite de desesperación", de Xavier Villaverde Freire, do CEIP A laxe.

Na categoría de 1º e 2º da ESO, quedou gañadora a obra "A miña tía Rosalía" de Lía Zambrana Rosales, do CPR Inmaculada, quedando o resto de categorías desertas.

Gañadora adulta

No transcurso do acto outorgouse tamén o premio na modalidade de Adultos. O xurado avaliador deste XX Certame Premio de Poesía Concello de Marín acordou por unanimidade, conceder o premio de 1.000 euros ao traballo titulado "Enredados", presentado baixo o lema Simón Bolivar, que recaíu finalmente en Rocío Leira Castro.

A xuizo do xurado, a obra gañadora é "dunha marabilla textual que fai gozar ao lector ata o punto de involucrarlo fácilmente no paraíso ficticio como realmente chega a dicir o propio autor o autora".

A autora amosou ao público coma a través dos versos se pode facer unha crítica da realidade nas novas tecnoloxías, dos conceptos utilizados, da forma de usalos, da inmediatez das noticias e do valor que lle damos a imaxe. Matemática de formación, non é a primeira vez que participa e gaña este premio.

Pechouse o acto cunha foto de grupo cos premiados e a interpretación do himno de Galicia.

Compartir en Twitter
Compartir en Facebook

Noticias relacionadas

GALICIA EN VINOS

Galicia en Vinos

Todos los vinos de Galicia

Consulta aquí todos los vinos de las cinco denominaciones de origen de Galicia