22 de marzo de 2019
22.03.2019

Un Salón do Libro..., e contra a pobreza

A mostra sobre os obxectivos de desenvolvemento sostible, anticipo do evento que arranca hoxe

22.03.2019 | 02:30
Inauguración, onte, da mostra Os obxectivos de desenvolvemento sostible na Biblioteca Pública. // R. V.

A Biblioteca Pública acolle dende onte a exposición Os obxectivos de desenvolvemento sostible, composta por 17 láminas (unha por cada unha das metas fixadas pola ONU para erradicar a miseria no planeta no 2030) asinadas por 15 debuxantes de Galicia e países africanos da Lusofonía.

A concelleira de Cultura, Carme Fouces, acompañada da secretaria do Fondo Galego, Andrea María García Corzo, e da directora da Biblioteca, Alejandra Mosquera Souto, inaugurou a mostra, que busca innovar no seu formato ao montar as ilustracións sobre caixas de cartón.

As láminas (entre elas a obra do debuxante e colaborador de FARO Luis Davila) sinalan obxectivos para garantir o benestar. Entre eles están a igualdade, o crecemento económico sostido e sostible, o acceso a unha enerxía alcanzable e segura, ou as metas de promover o uso sustentable dos ecosistemas terrestres e as sociedades pacíficas.

A mostra, e a chegada dos primeiros representantes das culturas da Lusofonía ás que se adica este ano o Salón, foron onte o prólogo deste evento cultural, anticipos que seguirán hoxe coa posta en marcha no Edificio Sarmiento da mostra MOTIM. Movimento de Ilustraçâo Portuguesa.

A apertura desta exposición realizada a partir da obra de 35 creadores plásticos do país veciño, prevista para as 12 horas, completarase cunha visita guiada.

Ás 18 horas principará o roteiro familiar Unha cidade de conto para visitar as librarías da cidade, enfiando contos, xogos e probas de enxeño. Conta con prazas limitadas con inscripción previa en turinapontevedra@gmial.com.

Unha hora máis tarde celebrarse un segundo roteiro, nesta ocasión pola mostra de ilustradores lusos que se presenta no Sarmiento.

E tras destes limiares, o Salón do Libro 2019 principará mañá ás 12 horas no Pazo, a súa sede principal, cun espectáculo que fundirá performance, música e contos.

Compartir en Twitter
Compartir en Facebook


Ledicia Costas: "Me gustaría ver a una mujer presidiendo el Gobierno de España"

En un vídeo de dos minutos y medio, la escritora relata cómo decidió cambiar la abogacía por la literatura: ?A las niñas les digo que, con esfuerzo, es posible?



Especial Navidad 2019

En estas fiestas, sobran los motivos para brindar con elaboraciones de Galicia, que despiden el año con un gran balance en todos los sentidos

FaroEduca