A Asociación Galega de Viticultura (AGV) levará a cabo unha xornada informativa no Concello de Pontevedra destinada a todas as persoas viticultoras da IXP Ribeiras do Morrazo para explicar polo miúdo os procesos de control e certificación na produción de uva, o prego e condicións da IXP Ribeiras do Morrazo e todos os procesos administrativos para pór en marcha adegas ou cooperativas dentro da IXP.
A Charla será mañán, venres,ás 19.30 hpras na sala 3 do Pazo da Cultura e será impartida polo enxeñeiro técnico agrícola e técnico de explotacións vitícolas, Luís Quinteiro.
Esta xornada levada a cabo pola AGV está dentro do convenio que a debandita asociación mantén coa Deputación provincial de Pontevedra para recuperación de castes de vide autóctonas, a actualización do Rexistro Vitícola Galego, a difusión do Prego de condicións da IXP Ribeiras do Morrazo e aspectos técnicos de plantacións e cultivo de vide e conta coa colaboración da Federación de Furancheiros, Loureiros, e Viticultores de Pontevedra.
