O alcalde Miguel Fernández Lores recibiu aos coordinadores do III Congreso de Estudos Internacionais de Galicia: Daniel González Páramo, director do IGADI e Álvaro López Mira, profesor da Facultade de Ciencias Sociais de Pontevedra. O congreso terá lugar os días 27 e 28 de marzo do 2019 na Facultade de Ciencias Sociais e da Comunicación e estará adicado á lusofonía.
O IGADI e o Observatorio da Gobernanza G3 da Universidade van da man nun congreso no que a primeira edición adicouse á acción exterior de Galicia, a segunda, ao papel de Galicia na UE e que nesta terceira "procura achegarnos a outro espazo internacional co que temos especial afinidade, que é a lusofonía e a comunidade de países con lingua oficial portuguesa" sinalou López Mira.
