A "Revolución" chega ao Salón do Libro da man da literatura da lusofonía

A concelleira de Cultura, Carmen Fouces, e Xosé Antonio Perozo, da Asociación Galega de Literatura Infantil e Xuvenil, GALIX, presentaron onte a segunda edición do Premio de Ilustración do Salón do Libro. O prazo para presentación de orixinais está xa aberto e pecharase o vindeiro 10 de octubre. O premio son 3.000 euros e o Concello agarda unha acollida tan boa coma a rexistrada o ano pasado, cando se recibiron 234 traballos de máis de 20 nacionalidades, aínda que ao final a gañadora foi una moza do Morrazo.

A obra gañadora será a que se utilice no cartel deste ano. Así mesmo, tanto a proposta elexida coma as 12 finalistas conformarán unha exposición durante a celebración do Salón e a área de cultura de Deputación de Pontevedra editará un catálogo en formato de calendario para 2019.

Este ano a organización do Salón do Libro decidiu mudar a figura do país invitado pola de unha literatura en xeral. Así, as publicación escritas en galego e castelán protagonizarán esta 20 edición a través da colaboración con colexios, librerías e editoriais. Para iso, Cultura xa iniciou os contactos co Instituto Camões e con países como Brasil, Cabo Verde ou Angola.

"Agardamos que esta aposta pola lusofonía lle dea un pulo ao idioma, moi falto de apoio institucional. Temos un luxo de idioma e debemos coidalo e mimalo. Darlle o apoio que se merece", salientou Fouces.

Pola súa banda, Perozo celebrou o carácter internacional que ten o Salón do Libro pontevedrés. "Todo o mundo fala del, especialmente dende hai cinco anos para aquí", dixo.

Na pasada edición pasaron 30.000 personas polas instalacións no Pazo da Cultura, aínda que dende o Concello se recalca en que non é tan importante o número de visitantes que se reciben como que todas poidan ter o tratamento adecuado e sexan quen de disfrutar das actividades. "Rozamos o límite sostible", sinalou a concelleira de Cultura.

Este ano o esforzo económico dende o goberno local será algo maior por tratarse dunha edición con aniversario.

As bases para o Premio de Ilustración xa están colgadas na páxina web do Salón, www.salondolibro.gal. Só poderán participar persoas maiores de idade e cun máximo de dúas obras cada unha. A técnica empregada é libre, pero o envío é exclusivamente dixital a través do citado sitio web.

A ilustración que se usará no cartel, deberá ir en consonancia coa temática desta edición, "A Revolución". O premio para a gañadora será de 3.000 euros. Máis información en salondolibro@pontevedra.eu.salondolibro@pontevedra.eu