30 de marzo de 2018
30.03.2018

Guadi Galego: "A revolución e o cambio de sistema pasa por nós, está claro que o patriarcado non funciona"

A artista pecha o vindeiro 7 de abril nas Matinés do Principal de Pontevedra a súa xira de "O mundo está parado"

01.04.2018 | 13:13
A cantante e instrumentista Guadi Galego.

Guadi Galego e os seus convidados serán o vindeiro sábado, 7 de abril (12.30 horas), os protagonistas das Matinés do Principal en Pontevedra, un concerto moi especial co que pechará a xira do traballo "O Mundo está parado", á súa vez fondamente vinculado ao seu novo disco, "Bola de cristal", que sairá en maio. As entradas poden mercarse dende 15 euros na web Ticketea.com.

- Como será o directo que presentará en Pontevedra?

-É un directo que vai ser un pouco o resumo do que fixemos nestes 4 años, pero sobre todo do último disco, "O mundo está parado". O que pasa é que como é cunha banda grande o públicó poderá ver un directo moi enérxico, con moita dinámica, moito traballo da enerxía no palco porque son 12 músicos e eso é o que t pode levar a ter moitas dinámicas distintas e moitas cores.

- Presentou "O mundo está parado" en 2016 como unha continuidade de anteriores traballos.

-Si, presentámolo en decembro de 2016 e foi un traballo que nos deu moitas alegrías, consolidounos como unha opción de música de autora con tintes ao mellor máis globais en galego. Tamén corroborou un pouco efectivamente o disco anterior, "Lúas de outubro e agosto", consolidou o público que tiñamos e abriuse aínda un pouco maís a outro tipo de públicos aos que nos costaba máis chegar antes. Este disco deunos moitas alegrías, sobre todo os directos foron moi espectaculares.

- Gústalle especialmente o directo...

-Non coñezo a ningún músico que non lle guste, é o obxectivo do disco, non queda outra, aínda que fas o disco cun tratamento e sabes que no directo non poderás levar exactamente ese tratamento, sempre vas máis mermada, e neste caso noso é ao contrario, facemos unha xira con tope de gama como digo eu, cunha aposta moi forte, entén vamos centradísimos a disfrutar deste directo e a facer que a xente disfrute ao máximo porque non timos moitas oportunidades de facer directos así.

- Como vai ser "Bola de cristal"?

-Igual que Lúas era o meu mundo redondo de ensoñación, máis vinculado á miña etapa da maternidade, é o disco que fago entre o nacemento do meu primeiro fillo e da miña segunda filla, un disco ensoñado, desa temática do mundo que ten que ver máis coa maternidade e outro tipo de ilusións, "O mundo está parado" era o meu disco máis realista, falaba das incoherencias e da complexidade da sociedade que temos, e despois está "Bola de cristal", que é o mundo que eu quero, o que me gustaría ver neste mundo, e así pecho este ciclo dos meus distintos mundos, algo que era tan necesario para min.

- Como é o mundo que imaxina?

-Pois un mundo que non ten fronteiras, que mudemos as fronteiras por pontes que é o primeiro single que acabo de sacar, un mundo onde vexa a posibilidade da revolución a todos os niveis, que cada un faga a súa revolución propia e como colectivo, un mundo no que os sistema sexa menos productivo e máis humano, ese mundo que todos queremos ver, máis pacífico e feliz, un mundo que non peche as fronteiras aos refuxiados e non nos conte películas, un mundo no que a corrupción non sexa a nova que sae na televisión todos os días e onde a liberade sexa efectiva e non un paripé que nos contan. E logo está o mundo que cada un ten no seu interior e que ten que desenvolver ao longo da súa vida, que é maravilloso, seguir medrando como persoas.

- Aínda queda por diante para conseguir todo eso.

-Evidentemente (risas), moito, é o que desexo que creo que temos cada unha das xentes de ben.

- É muller e nai da muller. Que lle parecen os recentes movementos de reivindicación?

-Eu creo que o feminismo é unha palabra que ate fai moi pouco tempo a xente vía como unha especie de perigo casi (risas) como que as mulleres querían ser mulleres pero non querían ser feministas, una cousa moi extraña, cando vas ao diccionario e ves que o feminismo non é outra cousa que un movemento que quere igualdade en dereitos e deberes. Eu son moi pro feminismo da diferencia e penso que as mulleres temos un papel moi importante por desenvolver no futuro da sociedade. Realmente a revolución e o cambio do sistema pasa por nós, as mulleres, e está claro que o patriarcado non funciona, e dentro do sistema capitalista tampouco, entón haberá que dar unha volta a todo isto es só se consigue se temos un movemento forte que as mulleres teñen que liderar e os homes seguir, creo que as mulleres, non sei se polo desenvolvemento antropolóxico, pero temos unha visión moitísimo máis humana que a dos homes, se acaso porque nos tocou lidiar en moitas guerras distintas. Creo que o mellor mundo pasa polo feminismo, que é a revolución do século XXI e espero que se espanda por moitos sitios onde queda aínda moito por facer.

Compartir en Twitter
Compartir en Facebook
selectividad 2018 Galicia

Toda la información sobre la selectividad

Consulta aquí toda la información sobre las pruebas de acceso a la Universidad: notas de corte, resultados y noticias


Calendario laboral y escolar 2018/2019

Calendario laboral 2018 en Galicia

Calendario Laboral 2018 en Galicia

Aquí tienes a tú disposición todos los días festivos en  Vigo y en Galicia , así como el Calendario escolar 2018/2019 .