O Ateneo Corredoira de Combarro organiza a tradicional Festa dos Maios que se celebrará o vindeiro 1 de maio ás 18.00 horas na Praza da Chousa. Estarán presentes distintos colectivos tanto de Poio coma de Pontevedra para festexar esta celebración tan característica. Os Maios participantes serán agasallados cunha rosca, un detalle conmemorativo e 200 euros por participación. A festa contará nesta ocasión coa colaboración da Deputación de Pontevedra. Os actos comezarán coa actuación da agrupación Os Berberechiños.
