22 de febrero de 2017
22.02.2017

Nenos e xente nova, no punto de mira

22.02.2017 | 03:13

O concelleiro de Normalización Lingüística do Concello de Pontevedra, Alberto Oubiña, recoñece que actualmente o punto de mira está posto nas novas xeracións. "O que se busca é un achegamento á xente máis nova, porque detectamos unha carencia importante con eles respecto á lingua", asegura. Nesta liña fala dos problemas ao respecto do ámbito educativo, "co dano que fixo a Lomce", e da necesidade de "prestixiar" á lingua. "Ás veces nos excedemos sendo catastrofistas e temos moitos motivos para prestixiar a lingua, cunha historia que a avala como unha das máis importantes, ou polo nexo de unión que supón con outras culturas, como as da lusofonía", salienta.

Oubiña móstrase positivo en canto á volta de moitas persoas ao idioma galego. "Se a túa lingua materna era o galego, sempre a vas a ter para volver. Hai unha porcentaxe moi alta que remata por volver a falar galego. É máis fácil volver ao galego se o falaches dende neno", manifesta.

Apego e Youtubeir@s

As últimas iniciativas do Concello a prol do galego son Apego, para achegar a lingua aos bebés, e Youtubeir@s, de fomento do idioma na internet.

"Queremos dar ferramentas e facilidades para que a xente fale o galego", di Alberto Oubiña. "No caso de Youtubeir@s, é un xeito de que circule pola rede", sinala.

O prazo para presentar vídeos a Youtubeir@s remata o 28 de abril. Cada peza debe ter unha duración máxima de 5 minutos, estar producida en galego e estar dispoñible na rede social YouTube, a segunda rede social máis empregada no mundo despois do Facebook.

Compartir en Twitter
Compartir en Facebook
selectividad 2018 Galicia

Toda la información sobre la selectividad

Consulta aquí toda la información sobre las pruebas de acceso a la Universidad: notas de corte, resultados y noticias


Calendario laboral y escolar 2018/2019

Calendario laboral 2018 en Galicia

Calendario Laboral 2018 en Galicia

Aquí tienes a tú disposición todos los días festivos en  Vigo y en Galicia , así como el Calendario escolar 2018/2019 .