27 de marzo de 2016
27.03.2016

O Salón do Libro 2016 completa o seu programa con nove exposicións

Ilustracións, fotografías, intervencións artísticas, xogos e animación compoñen as mostras

27.03.2016 | 03:54

O XVII Salón do Libro Infantil e Xuvenil de Pontevedra achegará á cidade nove exposicións que se poderán visitar durante o mes de abril. Ademais, tamén repartirá manteis ilustrados por Sandra Carmelo e Dani Padrón (AGPI) nos establecementos hosteleiros do centro histórico e se ambientarán as rúas da cidade en colaboración co Centro Comercial Urbano-Zona Momumental. Así mesmo, a Concellaría de Parques e Xardíns do Concello de Pontevedra creará "A horta do salón", especialmente pensada para os máis pequenos.

O Salón, no Pazo da Cultura será o espazo que acolla a maioria das exposicións que se levarán a cabo nesta edición. Por el pasarán os traballos que varios centros de ensino de Pontevedra e comarca realizaron para a ocasión, a ambientación xeral do Pazo da Cultura e unha intervención artístico-educativa que os alumnos e as alumnas co CEIP Caballal levaron a cabo poñéndose na pel dos deseñadores do Salón. A intervención, levada a cabo por uns 40 nenos e nenas de entre 10 e 11 anos, consistirá nun xogo de camuflaxe con pistas, textos e diversos animais buscando a interacción co espectador.

Por terceiro ano consecutivo, o Máster de Libro Ilustrado e Animación Audiovisual da Universidade de Vigo tamén colabora estreitamente co Salón. Os participantes crearon para a ocasión un grupo de ilustracións simples para xerar un conxunto de máis de cincuenta imaxes de animais estraños nun xogo perceptivo, visual e de memoria.

A exposición "Escarlatina-Esmeraldina", que ocupará o vestíbulo do Auditorio do Pazo da Cultura, amosará o traballo dixital de técnica clásica que Víctor Rivas realizou ao ser o ilustrador dos libros de Ledicia Costas "Escarlatina, a cociñeira defunta" e "Esmeraldina, a pequeña defunta" .

No salón do Pazo, Óscar Villán amosará una visualización da historia "As peripecias de Extravaganzza Pérez", da que é ilustrador. Nela poderanse ver pezas orixinais da creación da personaxe, as primeiras probas e tintas orixinais coloreadas a ordenador.

"Cocorico en movemento" ocupará a Biblioteca Pública Antonio Odriozola. Nesta exposición, o público poderá ver o escenario real de gravacións da serie en stop motion "Cocorico" da Televisión de Galicia, así como elementos que formaron parte da adaptación do libro ao formato televisivo: storyboards, ilustracións...etc.

Do 7 ao 30 de abril, a Galería Sargadelos acollerá a exposición "Da ciencia á ficción. Búscate no Salón" na que se amosarán imaxes da pasada edición da fotógrafa Alba Sotelo.

Compartir en Twitter
Compartir en Facebook
selectividad 2018 Galicia

Toda la información sobre la selectividad

Consulta aquí toda la información sobre las pruebas de acceso a la Universidad: notas de corte, resultados y noticias


Calendario laboral y escolar 2017/2018

Calendario laboral 2018 en Galicia

Calendario Laboral 2018 en Galicia

Aquí tienes a tú disposición todos los días festivos en  Vigo y en Galicia , así como el Calendario escolar 2017/2018 .

 

 
Enlaces recomendados: Premios Cine