| ELas Madamas e Galáns de Cobres (Vilaboa) estarán hoxe na cidade. Serán os protagonistas dun pasarrúas que dará comezo ás 12.00 horas. As Madamas e Galáns, como as Pantallas de Xinzo que estiveron o pasado día 16, son unha representación dos entroidos tradicionais que serven de prolegómenos ao inicio do noso, recoñecido por todos como o "Entroido urbano máis participativo de Galiza". Todo está listo para que o venres, 5 de febreiro comece unha semana de festa. Será as 21.00 horas na praza da Ferrería. Alí será a recepción do alcalde a Urco, rei do Entroido quen chegará a Pontevedra acompañado do seu séquito e das comparsas Os Canecos, Amoriños de Boroa e Os da Caña.
