28 de mayo de 2014
28.05.2014

Unha exposición recolle os 2.460 topónimos de Santo André e Santa María de Xeve e Verducido

28.05.2014 | 01:49

A Casa da Cultura de Santa María de Xeve acolle dende onte a exposición Chamadeiros que recolle a toponimia das parroquias de Santo André e Santa María de Xeve, e de Verducido. A exposición recolle o traballo de dous anos de entrevistas, pequisas, reunións e moitos paseos polas parroquias, feito por Segundo Feijoo Fariña, en Verducido; María Abelleira Fontán en Santa María de Xeve, e Alberte Reboreda en Santo André de Xeve.

Ademais de dar a coñecer os chamadeiros dos lugares das parroquias, a exposición tamén pretende abrir unha fase de correción da información recollida naquel traballo de campo. Os mapas poderán ser correxidos incorporando as novas informacións dos veciños a través duns formularios que hai na propia exposición.

O número de topónimos recollidos nas tres parroquias foi de 2.460 e foron 62 os informantes nestas zonas do concello.

A exposición está integrada por 19 mapas: 6 de Santa María de Xeve, outros tantos de Verducido e 7 de Santo André de Xeve.

A información dos denominados Xeves estará exposta ata o 27 do vindeiro mes de xuño.

Compartir en Twitter
Compartir en Facebook

LaLiga

Enoturismo en Galicia
en Semana Santa

Un viaje a través de los "afortunados" secretos de las D.O. gallegas: Rías Baixas, O Ribeiro, Ribeira Sacra, Valdeorras y Monterrei