O intelectual ourensán Ramón Otero Pedrayo "reapareceu" a mañá deste sábado na súa casa familiar de Bocarribeira, en Trasalba (Amoeiro=, grazas a unha visita teatralizada na que tres actores deron vida ó intelectual, á súa familia, e a actividade política que mantivo durante a súa vida.
A fundación Ramón Otero Pedrayo organizou esta visita, na que participaron más de medio cento de persoas, entre elas numerosos veciños de Trasalba -algúns deles coñeceran en vida Otero Pedrayo- así como un colectivo de lectores, que completou a sua estadía cunha visita polo interior da casa.
A recreación partiu do cruceiro situado diante do Pazo do Campo -a carón da casa de Otero Pedrayo- cunha pequena camiñata na que dous "criados" foron introducindo aos participantes en detalles do "mundo de don Ramón".
O grupo percorreu despois o patio e o xardín posterior da Casa Grande de Trasalba, nos que un diálogo entre Otero Pedrayo e a súa nai Eladia, deron a coñecer detalles da propia vivenda e da vida familiar.
O mapa de Domingo Fontán, os compañeiros na edición da revista Nós -que cumple un século en 2020-, algunha actividade do nacionalismo galeguista e alusións á propiedade familiar -herdada do avó materno-, completaron unha visita que durou casi unha hora. O grupo de lectura continuou a estadía en Trasalba cunha visita guiada polo interior de casa e coa celebración dunha homenaxe a unha das lectoras do grupo.
A fundación ten a súa sede na Casa Grande de Trasalba e asegura que haberá novas visitas teatralizadas, en vista do éxito acadado onte coa primeira edición.
