O programa municipal moañés de actividades infantís de lecer, Rechouchíos, comeza hoxe una nova tempada e conta xa con nove espectáculos programados ata finais de outubro. Hoxe, ás 18.00 horas, o auditorio de Quintela acollerá o espectáculo de monicreques "Xan Perillán e a maleta máxica", de Os Monicreques de Kukas, un dos precursores desta arte en Galicia. O 13 de setembro a biblioteca de Domaio acolle un concerto de Xoán Curiel. O día 20 actuará Magín Blanco na biblioteca de Tirán e o 27 o protagonista será o músico Paco Nogueiras en Domaio.
Os monicreques volverán o 4 de outubro co espectáculo "Espantamedos" en Quintela. O 11 de outubro Pérez&Fernández contarán contos en Tirán e o Mago Pedro Bugarín actuará en Domaio o 18. O penúltimo espectáculo será "Antonio Fraguas e a festa dos monicreques" o 25 en Tirán. O programa rematará o sábado 26 de outubro, no auditorio de Quintela, cun concerto de María Faltri e Jorge Juncal.
