18 de mayo de 2019
18.05.2019
Faro de Vigo

Políticos e veciños piden en Cangas "liberdade, igualdade e xustiza para o galego"

"A situación non é irreversíbel", alenta Henrique Harguindey diante dun centenar de persoas

18.05.2019 | 06:17
A lectura do manifesto de "Queremos galego" tivo lugar ao mediodía na Praza do Concello. // G.Núñez

"Máis que nunca queremos galego porque a situación do galego é crítica", comezou o manifesto lido onte en Cangas por Henrique Harguindey diante dun centenar de persoas que secundaron o chamamento da Plataforma Queremos Galego en defensa da lingua propia. A pesares dos atrancos institucionais, xudiciais e sociais que sofre, e de que unha de cada cinco mozas e mozos de catro a 15 anos "non saben falar galego", segundo cifras dos organizadores, "a situación non é irreversíbel, porque se pode modificar garantindo os tres principios: liberdade, igualdade e xustiza", proclaman.

O acto, celebrado de forma simultánea en 13 localidades galegas e coincidindo co Día das Letras, foi presentado por Camilo Camaño. Entre os presentes, o alcalde de Cangas, Xosé Manuel Pazos, e outros representantes políticos e sociais da comarca. O BNG repartiu ramiños de flores coa lenda "Serei inmortal se ti me falas".

Compartir en Twitter
Compartir en Facebook

LA MEJOR INFORMACIÓN, CERCA DE TI


FARO te ofrece un nuevo servicio de pasatiempos y juegos online

Disfruta desde tu ordenador o tu móvil de más de un centenar de retos como crucigramas o sudokus

FaroEduca