Xosé Pena Collazo dirixiu, con boa man, á Coral Lestonnac durante máis de 20 anos, mentres a saúde aguantou. Foi o noso mestre musical e cultivou en nós o gusto pola música máis selecta: fose popular, do noso país -pois foi galeguista egrexio-, ou clásica, música intemporal do mestre Landín, de Mozart, de Victoria?

Temos, pois, con el, unha débeda impagable no eido da cultura, que é a semente daquilo no que seguimos crendo, e procuramos regar coa vontade de alimentar, cada día, aqueles brotes que del herdamos.

Xosé foi, tamén, un home bo, comprometido e solidario cos humildes e os necesitados. Hoxe doémonos do seu óbito desde esta Coral, que segue viva e que nunca tivese medrado sen o seu desvelo.

Descanse en paz.