Vintedúas entidades sen ánimo de lucro da comarca do Morrazo (17 de Cangas e cinco de Bueu) están entre as beneficiarias de axudas económicas da Deputación para promover, fomentar e difundir actividades culturais relacionadas co Ano da Lingua 2018. As accións obxecto destas axudas deben orientarse a mellorar a calidade de todas as manifestacións culturais e, en especial, as dirixidas á reivindicación de difusión do patrimonio material e inmaterial da provincia e contribúan a difundir, manter e recuperar a cultura e tradicións.
En Bueu, os beneficiarios son a Asociación Cultural e Banda de Gaitas Tradicionais Manxadoira, que recibirá 2.215 euros para o XXIV Festival de Alborada; a Asociación Cultural Alfombras de Bueu, con 1.750 euros para as IV Xornadas nas Rúas do Corpus; Asociación Veciñal Banda do Río, con 1.321 euros para cultura e lingua no verán e outono; a Asociación de Jazz de Bueu, con 1.214 euros para o I Festival Internacional de Jazz; e a Coral Polifónica Marusía, que recibirá 1.179 euros para o intercambio coa coral Dafne, de Oviedo.
Entre as entidades de Cangas, as axudas repartiranse do seguinte xeito: 1.321 euros para a Asociación Promoción Turística do Morrazo; 1.214 euros para a Asociación Cultural e Folclórica Tromentelo; 1.036 euros para Lembranzas da Ría; 1.242 euros para a Asociación Cultural O Gato; 705 euros para Peis d´hos; e 412 euros para a Asociación de Veciños Festa do Corpus do Eirado de Señal.
A relación de entidades beneficiarias complétase coa Asociación de Diagnosticad@s de Cancro de Mama (Adicam), que recibirá 794 euros; Son do Pobo ((1.321), Asociación Xuvenil Cultural Staccato (1.071 euros), Asociación Cultural María Soliña (893), Asociación Lolos (640 euros); Conciencia (640 ); Banda de tambores e cornetas (640); Cofradía de la Misericordia (1.250); Coordinadora de Confrarías da Semana Santa (1.500 euros); Fundación Casa-museo Camaño Xestido (786 euros) e Sociedade Filatélica e Numismática (685).
