A Escola Infantil de Cangas-A Choupana, xestionada polo Consorcio Galego de Servizos de Igualdade e Benestar, permanecerá pechada durante todo o mes de agosto. Por este motivo, as persoas que desexen presentar durante este período solicitudes de praza de novo ingreso para a baremación no proceso extraordinario de setembro poderán facelo a través do rexistro do Concello, segundo apuntan desde a Xunta.
Nese servizo de recepción de documentos procederase unicamente ao rexistro da solicitude, sendo a escola a que procederá á revisión de baremación da mesma. O prazo de presentación remata o 31 de agosto e a documentación está dispoñible na web do Consorcio: www.igualdadebenestar.org
