O mundo aínda estaba asimilando os efectos da crise do petróleo do 73, pero 1974 foi un ano tamén intenso. En agosto de 1974 o presidente norteamericano Richard Nixon dimite acosado polas gravacións do escándalo Watergate. Apenas un mes antes, o 1 de xullo morre en Bos Aires Juan Domingo Perón e a súa dona, Isabelita Martínez de Perón asume o goberno. En España un Consello de Guerra condena a morte ao antifascista Salvador Puig Antich, que foi o último preso que morreu en España executado polo método do "garrote vil". O ano 1974 tamén viu como unha española, Amparo Muñoz, foi procamada Miss Universo en Filipinas, e como nacía a "Laranxa mecánica" de Holanda comandada por Johann Cruyff, que se quedou as portas do Mundial de 1974.
