A danza ancestral de San Sebastián inclúe a participación de dez galáns, cinco damas, un guía, un gaiteiro e un caixeiro, que son os que marcan o ritmo e a percusión. Todos os integrantes son da parroquia de Aldán e este ano "debuta" un novo galán na danza.
Os documentos que se conservan proban que esta danza remóntase, como mínimo, ata o ano 1678. Isto significa que leva case 340 anos bailándose de maneira ininterrompida. A súa orixe non está moi clara, pero durante séculos tivo un carácter votivo e estivo relacionada coa nobreza local.
