02 de abril de 2009
02.04.2009

Troula na Banda quenta motores

13 Bats xa ten confirmada a su presencia

02.04.2009 | 02:00
Os madrileños 13 Bats estarán o venres 7 de agosto no festival Troula na Banda, en Bueu.

O festival de Troula na Banda será un ano máis fiel a súa cita. A asociación buenense xa está traballando a tope para pechar o cartel de grupos participantes. Polo de agora xa está confirmada a presencia da banda madrileña chamada 13 Bats e que acaba de gravar o seu primeiro disco. A edición deste ano terá lugar o fin de semana do 7 e 8 de agosto e ó igual que os anos anteriores a entrada será completamente gratuita e as actuacións terán lugar na pista deportiva do barrio de Banda do Río. O resto das actuacións irán coñecéndose durante as vindeiras semanas e meses.

Que non se preocupe ninguén. A Banda do Río non se vai quedar sen troula nin festa. A asociación Troula na Banda xa leva tempo preparando unha nova edición do seu festival e coa edición deste ano vaise convertir nun dos máis lonxevos do municipio: oito edicións.

O cartel está aínda aberto pero xa se van coñecendo algunhas cousas. Por exemplo, a presencia dunha prometedora banda madrileña chamada 13 Bats. Trátase dun trío formado por Dani, Al-bert B e un baterista de California chamado Carter. Os dous primeiros compoñentes pasaron por varias bandas punk e neste novo proxecto decidiron incluir as guitarras en plan rockabilly e un contrabaixo. No ano 2007 gravaron unha primeira maqueta, composta por catro temas, e a finais de 2008, dentro so selo discográfico Potencial Hardcore, gravan o seu primeiro disco e que se chama igual que a propia banda. Dende Troula na Banda aseguran que a súa música, na que tamén hai influencias dalgúns grupos psycho e do cine de mafia, "non ten desperdicio". Ese traballo tamén vén acompañado dun videoclip especial e que foi rodado na prisión de Carabanchel apenas 15 días antes da súa demolición. Os impacientes poden velo no blog da asociación: http://troulanabanda.blogspot.com.

Os madrileños 13 Bats actuarán na primeira xornada do festival, o venres 7 de agosto. Esa xornada vaise completar coa actuación doutras tres agrupacións, pero das cales Troula na Banda non adianta aínda nada. Logo queda a xornada do sábado 8 de agosto, un día que nas edicións anteriores adícabase a Troula Ob-session.

O festival terá lugar na súa ubicación clásica: a pista deportiva do barrio de Banda do Río. Despois da desaparición da Noite do Trasno, que se celebraba no entorno de Cabo Udra, o Troula na Banda quédase como principal festival de referencia para a xuventude de Bueu. Dende a organización sempre se apostou por un formato de concertos gratuitos

Compartir en Twitter
Compartir en Facebook
 
selectividad 2018 Galicia

Toda la información sobre la selectividad

Consulta aquí toda la información sobre las pruebas de acceso a la Universidad: notas de corte, resultados y noticias


Calendario laboral y escolar 2017/2018

Calendario laboral 2018 en Galicia

Calendario Laboral 2018 en Galicia

Aquí tienes a tú disposición todos los días festivos en  Vigo y en Galicia , así como el Calendario escolar 2017/2018 .

 

Enlaces recomendados: Premios Cine