02 de mayo de 2020
02.05.2020
Faro de Vigo

María José Suárez e Rocío Taboada gañan os concursos do Casino de Lalín

02.05.2020 | 00:45
Fotografía gañadora. // Rocío Taboada Barros

María José Suárez Gómez e Rocío Taboada Barros son as gañadoras dos concursos de microrrelatos e fotografías do confinamento convocado polo Círculo de Recreo de Lalín. Foron moitas as propostas recibidas, cunha "máis que apreciable sensibilidade e calidade no seu conxunto, o que nos supuxo unha enorme satisfacción ao mesmo tempo que unha dificil elección das gañadoras", afirman desde a entidade organizadora, que contou coa colaboración das librarías Vagalume e Nigraponte.

Aínda que todas as propostas son "dignas de mención", o xurado tivo que seleccionar só dúas: No Concurso de Microrrelatos premiou a María José Suárez Gómez, pola súa peza titulada Retallos de Alzheimer, e no e Fotografía, a Rocío Taboada Barros. "Evidentemente, existe un razonable compoñente subxectivo na selección definitiiva, mais segundo o criterio do xurado ésas son as dúas propostas gañadoras, tendo por igualmente merecedoras outras moitas das propostas recibidas", resumen desde o Casino de Lalín. Nos vindeiros días publicará nas redes socias esas outras propostas dignas de mención, "en obrigado agradecemento por todas elas, así como pola ampla participación".

Compartir en Twitter
Compartir en Facebook

GALICIA EN VINOS

Galicia en Vinos

Todos los vinos de Galicia

Consulta aquí todos los vinos de las cinco denominaciones de origen de Galicia