12 de septiembre de 2019
12.09.2019

'Amantes da terra' rendirá unha homenaxe a Neira Vilas e Lareo no auditorio de Vila de Cruces

O espectáculo da productora Queiman e Pousa varía a ubicación inicial en Camanzo pola previsión de choiva

12.09.2019 | 02:00
Andrea Pousa, Julio López e Bruxo Queiman, co cartel do concerto. // Bernabé/Javier Lalín

"Antón Fraguas dicía que ser galeguista era ser un amante da nosa terra". Con estas palabras, explicaba onte o artista Bruxo Queiman en Vila de Cruces o porqué do nome do espectáculo que chega este domingo a Vila de Cruces. Será ás 18.00 horas, pero non no Campo da Tilleira, en Camanzo, senón no auditorio Xosé Casal. O cambio de ubicación débese á probabilidade de chuvia e está consensuado entre o goberno e a productora.
Amantes da terra é un espectáculo de Queiman e Andrea Pousa "no que se conxuga a tradición e os cantares, os nosos artistas galegos, co fío da recopilación que fixo Antón Fraguas" sobre o traxe galego ou o cancioneiro, como explica Pousa. Este espectáculo ao homenaxeado polo Día das Letras Galegas puido verse xa noutras localidades galegas, como o seu Cotobade natal ou Redondela. Ademais desta parella de artistas, tamén interveñen dúas formacións corais dezás: Vales Mahía, da Bandeira, e San Salvador de Camanzo, que así vai actuar na súa casa. Completan o elenco a Grupo de gaitas e Baile Foula e a Banda da Unión Musical de Lantaño, que interpretará tanto teas propios como versións de Negra sombra, de Rosalía de Castro, ou de O carro, de Manuel María.

Bruxo Queiman engade que será "un espectáculo vistoso, pola fusión" de estilos artísticos, pero tamén porque inclúe unha exhibición de traxe tradicional galego e porque o domingo hai unha colaboración especial da Asociación Vello dos Cornos, de Merza. Este colectivo é un dos responsables de que na parroquia siga viva a tradición do Entroido do Ulla e o Alto dos Xenerais, que comparte con Salgueiros, Piloño e outros puntos de Silleda e A Estrada. O día 15, os Xenerais do Ulla inervirán con cabalos en dúas danzas deste espectáculo. É unha función que vai honrar a Antón Fraguas, pero tamén a outros dous amantes da terra, da terra cruceña: Xosé Neira Vilas e Paco Lareo. Para eles haberá tamén momentos de lembranza. Queiman e Pousa, que xa teñen intervido en varias ocasións en espectáculos en Vila de Cruces, son conscientes de que "en Cruces, botas unha semilla e nacen artistas", como di Pousa.

Compartir en Twitter
Compartir en Facebook

GALICIA EN VINOS

Galicia en Vinos

Todos los vinos de Galicia

Consulta aquí todos los vinos de las cinco denominaciones de origen de Galicia