18 de mayo de 2019
18.05.2019

Letras Galegas e choiva estrean a ampliada alameda

A Fervenza realiza a súa Ruta das Letras e Vagalumes, un roteiro e un acto cultural

18.05.2019 | 06:15

A falta de inauguración oficial dada a proximidade dos comicios municipais, a recén ampliada alameda da Estrada estreouse onte como gran espazo público de actividades culturais, festivas e lúdicas co pregón da escritora Rosario Golmar e a ofrenda floral ante o monolito dos irmáns Valladares. Unha choiva miudiña que obrigou a abrir os paraugas por veces foi a auga bendita que bautizou os remodelados xardíns municipais.

Na "nova e vizosa alameda" á que aludiu o alcalde Xosé López Campos déronse cita numerosos veciños e personalidades da vida social, cultural, económica e política do concello. Tanto a pregoeira, Rosario Golmar, como o rexedor gabaron as calidades de Antón Fraguas e de tantos homes de inxente legado moral e intelectual que viron truncadas as súas lexítimas aspiracións de liberdade e de aposta polo idioma pola guerra e a represión. A pregoeira salientou a súa sinxeleza e o seu afán por recoller e poñer en valor patrimonio material e inmaterial de numerosas zonas de Galicia como Tabeirós-Montes e Deza. O alcalde salientou o seu labor na cátedra do instituto da Estrada e o seu papel de fundador do Museo do Pobo Galego.

Tamén A Fervenza de Ouzande celebrou onte a súa XIV Ruta das Letras e Vagalumes, o Roteiro Fraguas entre A Mámoa do Arnado e Ribela e un acto cultural de presentación do especial de Antonio Fraguas de Sermos Galiza. Ao peche desta edición, agardábase o inicio do concerto de Xabier Díaz&Adufeiras de Salitre na Praza do Concello.

Compartir en Twitter
Compartir en Facebook

GALICIA EN VINOS

Galicia en Vinos

Todos los vinos de Galicia

Consulta aquí todos los vinos de las cinco denominaciones de origen de Galicia