18 de mayo de 2019
18.05.2019

Maril: "É preciso un cambio e nós somos xente honrada, transparente e sen favoritismos"

Ignacio Maril Pardo, candidato do PP

18.05.2019 | 06:15
Camiñata a Férveda | A foto correspóndese cun día de camiñata ata a Férveda de Escuadro, sen dúbida un dos sitios máis bonitos do noso concello, ao que merece a pena achegarse nas distintas estacións. Gústame aproveitar os pequenos momentos de lecer para gozar da natureza e da miña familia, e para descubrirlle ao meu fillo os distintos recunchos do noso concello.

Os candidatos de Silleda á Alcaldía contestan as preguntas de FARO: Ignacio Maril Pardo, do PP.

Por que está vostede en política? 

Sempre colaborei cos colectivos e nas actividades do meu concello, e a política é a única maneira de cambiar as cousas inxustas que acontecen agora en Silleda e non merecemos. Ten que ser traballo, respecto e servizo aos veciños.

Por que deberían votalo os seus veciños?

Porque é preciso un cambio, e nós somos un grupo de xente honrada, cercana, transparente e sen favoritismos, con ganas de traballar e ideas innovadoras pero realista para que Silleda recupere a luz perdida.

Onde se ve vostede despois do 26-M?

Coa responsabilidade de levar a cabo o noso plan para que o Concello funcione mellor sen importar as cores políticas.

Por onde pasa o futuro do seu concello?

Por dotar de mellores servicios o rural e aproveitar os recursos para darlle un impulso aos dous núcleos urbanos con novos espazos que sirvan de punto de unión para todos.

Compartir en Twitter
Compartir en Facebook

GALICIA EN VINOS

Galicia en Vinos

Todos los vinos de Galicia

Consulta aquí todos los vinos de las cinco denominaciones de origen de Galicia