17 de mayo de 2019
17.05.2019
TEST A ALEJANDRO FIUZA MOSQUERA - BLOQUE NACIONALISTA GALEGO

"Quero que o noso concello sexa un novo referente, como Allariz"

"Os concellos onde goberna o BNG son modelos exemplares de xestión e benestar, non hai máis que ver Allariz"

17.05.2019 | 02:34
O motor do meu día a día | Se algo me representa é a vocación polo coidado das nosas crianzas, semente de futuro do pobo. Unha educación en valores e activa garante calidade de vida, o apego e respecto polo noso e a defensa dos nosos dereitos, é motor que envolve o meu día a día.

Por que está vostede en política?

Gústame traballar coa xente e para a xente, síntome comprometido coa miña terra e creo que, na situación de afundimento que se atopa o noso concello, podo aportar ese aire de cambio, implicación e traballo que demanda.

Por que deberían votalo os seus veciños?

Teño o mellor equipo de traballo, con ilusión e un proxecto real. Os concellos onde goberna o BNG son modelos exemplares de xestión e benestar, non hai máis que ver Allariz; quero que Vila de Cruces sexa un novo referente.

Onde se vai vostede despois do 26-M?

Onde a veciñanza decida, mais sempre co obxectivo de axudar a resurxir a nosa vila e as nosas parroquias.

Por onde pasa o futuro do seu concello?

Por facer unha política de asentamento poboacional, dotando de servizos básicos e imprescindibles, facilitar a vivenda, axudar ao comercio, á industria e dinamizar o agro e a gandaría, apostando polo rural como o mellor xeito de vida, sen esquecernos de ningunha franxa de idade.

Compartir en Twitter
Compartir en Facebook

GALICIA EN VINOS

Galicia en Vinos

Todos los vinos de Galicia

Consulta aquí todos los vinos de las cinco denominaciones de origen de Galicia