Por que está vostede en política?
Porque no seu día me animou a facelo o meu amigo Ismael Martínez Neira. A miña preocupación foi ofrecer aos nosos veciños novos servizos e equipamentos públicos que contribuísen a un maior benestar colectivo.
Por que deberían votalo os seus veciños?
Ofrecemos unha opción política estable, comprometida coa consecución de servizos e infraestruturas, primando o benestar social, ao tempo que mantemos a estabilidade orzamentaria con vistas a garantir a inversión de futuro. Presentamos como aval unha xestión económica eficaz e a consecución de importantes equipamentos públicos no rural e servizos.
Onde se vai vostede despois do 26-M?
Gustaríame continuar para concluír proxectos como o polígono industrial público ou o centro de día.
Por onde pasa o futuro do seu concello?
Igual ca moitos municipios, temos que loitar contra o despoboamento e implicarnos co tecido empresarial para asentar poboación.