17 de marzo de 2019
17.03.2019

Ás portas do Parlamento

O equipo do IES Pintor Colmeiro finaliza noveno no Parlamento Xove, a un posto de entrar na final - Os outros representantes da bisbarra eran o Laxeiro e o Marco do Camballón

17.03.2019 | 03:45
Alumnos e docentes dos tres centros, con Daniel Sousa (terceiro pola esquerda) e a directora xeral de Xuventude, Cristina Pichel, no centro.

Onte tivo lugar no centro residencia A Coruña, en Culleredo, a fase clasificatoria do certame de debate Parlamento Xove para estudantes de Bacharelato. Nesta décima edición participaban tres institutos do Deza: O Laxeiro, o Pintor Colmeiro e mailo Marco do Camballón. Os dous primeiros gañaron dous dos tres debates, e o cruceño, un de tres. O xurado puntuaba cuestións como a expresión oral e xestual, a argumentación ou a pertinencia das preguntas. Só podían pasar oito centros para a final que será en maio no Parlamento, en Santiago. E os centros dezaos quedaron ás portas: o grupo do Pintor Colmeiro obtivo o noveno lugar, con 388 puntos, mentres que o Laxeiro quedou no 11º, con 386, e o Marco do Camballón no 16º, con 350. A excelente avaliación que acadaron os tres centros animan aos integrantes dos equipos a volver presentarse o ano que vén. Na xornada de onte, o tema de debate era se os países da UE debían unificar as política de acollida de persoas refuxiadas. Nos vindeiros días darase a coñecer o tema da final. Houbo tempo, entre debate e debate, de sacar unha foto coa directora xeral de Xuventude, a lalinense Cristina Pichel.

Compartir en Twitter
Compartir en Facebook

GALICIA EN VINOS

Galicia en Vinos

Todos los vinos de Galicia

Consulta aquí todos los vinos de las cinco denominaciones de origen de Galicia