14 de febrero de 2019
14.02.2019

O Concello revisa orzamentos para o comedor de Secundaria na Fundación

14.02.2019 | 03:18

O goberno estradense ten sobre a mesa distintos orzamentos vencellados á apertura do pretendido comedor para alumnos de Secundaria nas instalacións da Fundación de Exposicións e Congresos da Estrada. O alcalde, José López Campos, asegurou que operarios municipais xa realizaron arranxos no recinto e que quedarían agora pendentes accións en materia de fontanería e electricidade. Indicou asimesmo o primeiro edil que o Concello contratou os traballos de pladur.

López sinalou que os orzamentos serán agora estudados con técnicos municipais e o Concello tentará coñecer coa Federación Estradense de Asociacións de Nais e Pais de Alumnos (Fesanpas) a "demanda real" deste servizo, sen descartar que se poda poñer en marcha antes de que remate o presente ano académico.

En todo caso, López recoñeceu o interese da propia fundación por acondicionar esta zona de comedor para os distintos eventos que se organizan no recinto feiral estradense ao longo do ano.

Compartir en Twitter
Compartir en Facebook

GALICIA EN VINOS

Galicia en Vinos

Todos los vinos de Galicia

Consulta aquí todos los vinos de las cinco denominaciones de origen de Galicia