"Non é un erro de tradución da web de Turismo. O problema é que o goberno do PP non ten asumido a defensa do noso idioma", manifestou onte o concelleiro do BNG da Estrada en alusión á resposta da Concellería de Turismo que dirixe o edil Óscar Rancaño respecto dos erros en topónimos castelanizados detectados na web turística municipal que xa están en proceso de corrección. Non se pronunciou o Bloque sobre a recomendación que lle deu Turismo de que se excuse co Hotel América por dicir que na Estrada non había ningún hotel. O que si dixo é que "non é algo anecdótico", referíndose a que "é habitual" que a revista Miscelánea "apareza en castelán", a "faixa de Encuentro de Grandes Viajeros" ou "sinais de tráfico".
