| O alcalde de Silleda, Manuel Cuíña, entregou onte os premios do Concurso de Microrrelatos do Concello de Silleda, que recaeron en Claudia Cerviño e Zaira Rozados. Claudia Cerviño, alumna do IES Pintor Colmeiro, venceu na categoría de 6 a 12 anos co traballo (Des)coñecido, mentres que Zaira Rozados, do colexio María Inmaculada, gañou na de máis de 13 anos por Viaxante descoñecido. Cada unha recibiu unha tablet e un vale de compra de 20 euros. Os seus respectivos centros percibirán, ademais, un vale de 50 euros para mercar libros en galego para as súas bibliotecas.
