14 de abril de 2018
14.04.2018

'Orgullo' lalinense no Pazo Provincial

Representantes do goberno municipal de Lalín presentan o evento igualitario na sede da Deputación -Carmela Silva destaca a aposta do Concello como referencia na tolerancia

14.04.2018 | 03:11
David Regades, Santos Héctor, Carmela Silva, Celia Alonso e Rafael Cuíña, onte, en Pontevedra.

A presidenta da Deputación de Pontevedra, Carmela Silva, acompañada polo alcalde de Lalín, Rafael Cuíña, a concelleira lalinense Celia Alonso e os deputados de Turismo Rías Baixas e de Cooperación, Santos Héctor e David Regades, presentou onte no Pazo provincial a terceira edición da Festa do Orgullo de Lalín, "o máis importante que acontecerá en toda Galicia o 4 e o 5 de maio", para "encher este espazo coas cores da dignidade, da tolerancia e dos dereitos das persoas a decidir as súas vidas: quen son, a quen queren e cal é a súa identidade sexual".

Silva sinalou que a Deputación e o Concello de Lalín "somos administracións que loitamos por que todas as persoas sexamos iguais e teñamos os mesmos dereitos", algo que "só conseguiremos respectando a diversidade e a diferenza". Deste xeito, concluíu, "as sociedades que o respecten son as únicas nas que paga a pena vivir, as que exclúen son atrasadas e antigas".Asegurou que "os políticos xestionamos as administracións públicas para liderar o cambio. Non estamos para asfaltar viarios senón para garantir dereitos e facer o cambio social que constitúa sociedades onde sexamos iguais e libres, vivindo nunha contorna de xustiza social".

Carmela Silva puxo en valor que "nesta provincia hai un concello do interior que é Lalín que busca converterse en referencia para ser a capital da tolerancia e da loita pola igualdade", o que "me fai sentir inmensamente orgullosa". Pola contra, valorou negativamente que "haxa que ser gobernantes valentes para organizar estes actos cando debería ser a normalidade, porque esta festa fala da normalidade da vida da nosa xente". Animou a todas as persoas a "asistir á festa rachada do Orgullo de Lalín na que defenderemos a igualdade dun xeito optimista e alegre para facernos felices e compartir o que nos fai ser xente que vale a pena".

Pola súa banda o alcalde de Lalín, Rafael Cuíña, agardou que "nas próximas décadas un evento deste tipo non teña razón de ser porque felizmente sexa unha cuestión superada", malia a recoñecer que "queda un arduo traballo nesta cuestión e en todas as que teñen que ver coa igualdade". O rexedor agradeceu "dende un goberno progresista cara a outro, todo o apoio xa que dá gusto poder celebrar estes eventos sabendo que hai unha institución supramunicipal que se sinte identificada con el". A institución provincial apoia a cita cunha achega de 40.000 euros. Dentro do programa desta festa, que leva por lema Orgullo de ser o que es, aquí tamén, resaltan o Seminario de educación afectivo-sexual e diversidade para profesorado e alumnado de centros educativos", no que entre outras persoas participa a xornalista Celia Blanco -que Silva lembrou que participou nas xornadas As mulleres que opinan son perigosas-, o Seminario de sexualidade Quererme ben para quererme mellor, unha actividade de Contos pola igualdade e actuacións teatrais, deportivas e musicais, entre outras, nas que participará o gañador do programa televisivo británico Factor X Seann Miley Moore, que participa por vontade propia amosando "que hai xente coñecida e recoñecida que se suma voluntariamente a un grande proxecto", sinalou.

Destacouo ao pregoeiro, o xornalista e activista Alfonso Hermida, "o que resultará nun efecto multiplicador", dixo.

Compartir en Twitter
Compartir en Facebook

Calendario laboral y escolar 2018/2019

Calendario laboral 2018 en Galicia

Calendario Laboral 2018 en Galicia

Aquí tienes a tú disposición todos los días festivos en  Vigo y en Galicia , así como el Calendario escolar 2018/2019 .

 

 

GALICIA EN VINOS

Galicia en Vinos

Todos los vinos de Galicia

Consulta aquí todos los vinos de las cinco denominaciones de origen de Galicia