18 de mayo de 2016
18.05.2016

A lingua galega reivindica o seu uso no día a día

A Estrada hónraa cunha ofrenda floral e unha ruta e Forcarei, cunha estrea teatral

18.05.2016 | 02:02
Ana Carreira e Juan Constenla, na ofrenda floral ante o monolito a Marcial Valladares. // Bernabé / Víctor Espiño

A lingua galega reivindicouse onte na comarca como instrumento para o día a día e "para todo". Dezasete persoas se deron cita na XI Ruta das Letras organizada por A Fervenza de Ouzande. Logo chegaría a ofrenda floral nos xardíns. E pola tarde, Malasombra estrearía en Soutelo o musical "Os Rockenstein".

A lingua galega reivindicouse onte en Tabeirós-Montes como instrumento para o "día a día" e "para todo". Nos xardíns da Estrada, Ana Carreira, gañadora do cuarto premio de teatro Varela Buxán proclamou que é dramaturga "porque me deixei medrar en galego" sen facer caso de quen a consideraba "un bicho raro". "Escribo en galego porque falo en galego, sinto e soño en galego", afirmou, animando ós asistentes a "perder a vergoña dunha lingua que serve para todo".

Tamén o alcalde en funcións, Juan Constenla, subliñou -tras adicar "a ofrenda floral ante o monolito dos Irmáns Valladares á memoria de todos os escritores" locais que o galego é unha ferramenta de expresión e un elemento tecnolóxico para o "día a día" que debe lucir "vizosa" e ter "sabor a futuro". Tamén lembrou que o autor homenaxeado polas Letras Galegas, Manuel María, visitou A Estrada "en non poucas ocasións". A Banda de Gaitas de Barbude puxo a nota musical ó evento e, tras actuar nos xardíns, deu un pasarrúas no que foi aplaudida polos usuarios que ateigaban as terrazas. Na Estrada onte tamén foi un día para mercar libros. A libraría Marxe, por exemplo, abriu as súas portas e fixo un dez por cento de desconto co gallo das Letras Galegas.

Xa en Ouzande, a Ruta das Letras organizada por A Fervenza contou con dezasete participantes Tras a camiñata na procura dos alicerces do río Gallo, os asistentes foron agasallados cun libro. A maioría escolleron o último premio García Barros.

Xa pola tarde, o auditorio de Soutelo acolleu a estrea do musical "Os Rockenstein" de Malasombra, a compañía do polifacético actor estradense Xoque Carbajal.

Compartir en Twitter
Compartir en Facebook

Calendario laboral y escolar 2017/2018

Calendario laboral 2018 en Galicia

Calendario Laboral 2018 en Galicia

Aquí tienes a tú disposición todos los días festivos en  Vigo y en Galicia , así como el Calendario escolar 2017/2018 .

 

 

GALICIA EN VINOS

Galicia en Vinos

Todos los vinos de Galicia

Consulta aquí todos los vinos de las cinco denominaciones de origen de Galicia


selectividad 2018 Galicia

Toda la información sobre la selectividad

Consulta aquí toda la información sobre las pruebas de acceso a la Universidad: notas de corte, resultados y noticias


Enlaces recomendados: Premios Cine