O último acto público que tivo Neira Vilas foi o pasado domingo, día 22, na localidade silledense de Cira, onde se representou a súa peza Espantallo amigo. Este veciño trasdezano afirma que "na miña aldea moito se fala del, pola proximidade con Gres. Todos coinciden en que era unha persoa moi interesante e á que lle gustaba moito axudar, facer favores a quen os necesitase". Recoñece que apenas o coñecía persoalmente, "pero todas as referencias que teño del son excelentes. Queda claro que perdemos un persoeiro a todos os niveis".
