11 de noviembre de 2015
11.11.2015

Modernízate, pon boina!

O instituto de Vila de Cruces bota man deste complemento tradicional para fomentar o galego entre as novas xeracións

11.11.2015 | 02:31
María Pampín e Anxela López, partícipes desta iniciativa, locen coa boina onte no instituto. // Bernabé/Gutier

O instituto Marco do Camballón impulsa unha campaña para fomentar o galego entre as novas xeracións botando man da boina. Unha proposta que combina a aposta por recuperar este complemento tradicional, co humor e as novas ferramentas de comunicación dixital. Unha iniciativa educativa que leva aparellada a reflexión e a loita contra estereotipos.

O instituto Marco do Camballón, Vila de Cruces, volve sorprender cunha proposta singular para reivindicar o emprego do galego entre as xeracións de falantes máis novos. Desta volta bota man da boina tradicional galega. Baixo o lema Modernízate, pon boina quere mostrar a intención de renovar a imaxe deste complemento tradicional e promovelo como accesorio de vangarda estética. "Os hipsters están pasados de moda, chegou o tempo dos boiners" apuntan dende o Clube da Lingua, círculo que impulsa esta iniciativa. Despois de acuñar ata o seu propio termo para esta corrente estética buscan seguidores, e para ilo optaron por impulsar un concurso.

O obxectivo da proposta e dobre: por unha banda promover o uso do galego nas redes sociais entre os máis novos e por outra poñer de moda este accesorio tradicional. Una maneira máis de "identificar o noso idioma coas últimas tendencias de moda e fotografía" . Con estes elementos de base o concurso combínaos para "crear espazos de relación en galego de xente nova".

Pero o certame ten outras claves a ter en conta. Busca promover valores de igualdade e crear un proceso de reflexión para a educación non sexista. Un xeito máis de "criticar as dinámicas que cousifican as mulleres no mundo da moda". E como na meirande parte das propostas deste dinámico clube, a orixinalidade tamén vai parella co humor "como ferramenta necesaria pos procesos educativos, así como a relación do ámbito educativo con outros aspectos sociais".

Trátase dun concurso de fotografía que conta con dúas categorías. Por un lado Boina de Ouro, no que se terá en conta a calidade, orixinalidade, creatividade e valor sociocultural da fotografía. E por outro está a Boina Simpatía que ten como obxectivo a participación nas redes sociais con fotografías realizadas espontáneamente. O fin é procurar unha imaxe da boina con humor e simpatía.

O xurado estará composto por alumnado e profesorado do centro así como a zoqueira de Merza, Elena Ferro, como representante do mundo da moda. "Elena demostra que un calzado tradicional, moitas veces despreciado como os zocos, pode chegar a ser tendenza de vangarda na moda europea", xustifican dende o Clube da Lingua. No xurado tamén participarán representantes dunha tenda de fotografía de Vila de Cruces. Ademáis contará coa colaboración dunha revista especializada en moda, internet e comunicación.

O premio, como non podía ser doutro xeito, consistirá nunha boina bordada para a ocasión. O prazo do concurso prolongarase durante a tempada de outono e inverno. E da evolución do concurso irá dando boa conta a páxina do Clube da Lingua na rede social de Facebook.

Compartir en Twitter
Compartir en Facebook
selectividad 2018 Galicia

Toda la información sobre la selectividad

Consulta aquí toda la información sobre las pruebas de acceso a la Universidad: notas de corte, resultados y noticias


GALICIA EN VINOS

Galicia en Vinos

Todos los vinos de Galicia

Consulta aquí todos los vinos de las cinco denominaciones de origen de Galicia