"Estamos pechados, pero non inútiles"

- Fixo do seu cuarto o seu planeta particular. Sempre buscando algo que facer.

-Hai xente que lle custa moito estar pechado. Cando é así hai que facer cousas e estar entretido. Eu arranquei buscando que facer. Un día liábame a limpar o cuarto e ía facendo bromas. Eu son cómico e facíao desprendendo positividade porque esa é a nosa misión. No noso sector hai moita xente moi activa en redes sociais nestes días e iso é moi de agradecer. Unha onda de solidariedade e de bo "rollo" amosa que nestas circunstancias extremas sacamos o mellor de cada un. Eu fago un vídeo curto diario como se fose o meu parte médico. Púxenme a aprender a tocar a batería e sempre acababa cunha mensaxe de ánimo. Nun dos vídeos dixen unha frase "estamos pechados, pero non inútiles" e xa quedou como lema.