22 de agosto de 2017
22.08.2017
tribuna libre

O Panorama dunha verbena

22.08.2017 | 03:01

Entre os principais cometidos das administracións públicas, está o preservar o ben común e a seguridade cidadán. Por ese motivo, quen ostenta cargos de responsabilidade nas administracións públicas debe ter contrastadas cualidades para levar a efecto eses fundamentais cometidos. Un gravísimo problema no noso ordenamento estatal, é precisamente que os cargos son repartidos de xeito discrecional, a modo de premio ou recompensa por servizos prestados no partido, ou ben porque as patadas nas canillas e empurróns foron dados máis a tempo.

O acontecido o pasado domingo na praia de Carril pon en evidencia esta absoluta carencia de profesionalidade das administracións públicas e a súa subordinación aos intereses políticos, unha lacra que como moitas outras arrastramos neste país e que nalgún momento debemos de correxir.

Que un patrón maior ou un presidente de comisión de festas teña un ataque de megalomanía e lle veña a ocurrencia de construír unha base lunar no campo de festas da súa aldea, non ten maior importancia. O que sí a ten é que para acadar tal despropósito consiga a colaboración de todo un señor diputado nacional do Partido Popular, que lle axude a conseguir os permisos necesarios en Madrid, ou en Pontevedra, ou en Santiago, da igual, poñendo así en evidencia a absoluta falla de seriedade dun representante público de tan alto nivel, que ademáis presume de carreira política eficiente.

Non é menos importante o bochorno político dos tamén representante públicos de Esquerda Unida e Somos Vilagarcía que presentaron unha moción de urxencia ao pleno para apuntarse a esa carreira populista na percura da base lunar, e que poñen en evidencia as súas pobres prioridades nunha vila tan necesitada de políticas de esquerda para darlle respostas reais e non trapalleiras aos veciños e veciñas de Vilagarcía.

Esperemos que o bochorno nacional que este acontecemento lle procura á nosa querida Vilagarcía, sirva de lección e non se volva a repetir. E que entre todos consigamos correxir dunha vez as derivas populistas e nos poñamos a facer política en serio.

* Miguel Alves Lago, concejal no adscrito en la corporación municipal de Vilagarcía.

Compartir en Twitter
Compartir en Facebook

GALICIA EN VINOS

Galicia en Vinos

Todos los vinos de Galicia

Consulta aquí todos los vinos de las cinco denominaciones de origen de Galicia