25 de abril de 2009
25.04.2009

A Deputación promove un concurso para a reciclaxe dos residuos en Sete Pías

O prezo do contrato para a primeira anualidade fixouse en 651.919 euros

25.04.2009 | 02:00
Planta de recepción de residuos de Ribadumia.

A Deputación de Pontevedra abreu un prazo de 15 días naturais, a contar dende o vindeiro luns, para contratar a concesión da xestión indirecta do servizo de tratamento de residuos industriais non perigosos na Plataforma Loxística Inversa do polígono industrial de Sete Pías, en Cambados. As propostas para concurrir ó devandito contrato deben presentarse na sede do Instituto para a promoción e equipamento de solo industrial de Pontevedra (IPESPO) na propia Deputación Provincial.

O prezo do contrato será a retribución económica que o contratista perciba como consecuencia de prestar o servizo ós usuarios e recicladores finais. Na primeira anualidade, según o anteproxecto de explotación, ascende á cantidade de 651.919 euros.

O proceso da contratación da xestión de servizos da Plataforma Loxística de Cambados deriva dun convenio asinado entre a Deputación e o Concello de Cambados polo que o concello fixo unha encomenda de xestión ó IPESPO -por cinco anos a partir da finalización da obra da Plataforma- para que éste asumise as actividades precisas para garantir a correcta implantación do servizo. Como consecuencia diso, o organismo provincial afronta agora, mediante este contrato de xestión de servizos, o proceso de selección do futuro contratista do dereito de explotación da actividade.

As operacións de xestión que se realizarán na Plataforma para cada corrente de residuos, serán as seguintes: acopio de grandes e pequenos aparatos eléctricos e electrónicos, e pretatamento e clasificación de papel e cartón, plásticos, residuos metálicos e vidrio. Todos eles, non perigosos. A Plataforma tén unha capacidade de tratamento anual de 10.000 unidades de aparatos eléctricos e de 9.000 toneladas do resto das materias.

A Plataforma solucionará o problema das empresas para levar a cabo a correcta xestión dos seus residuos pois, ata agora, carecían de infraestructuras axeitadas para a reciclaxe. Dos residuos industriais que se xeneran en Galicia, só reciben algún tratamento o 38%.

A Deputación prevé que a Plataforma Loxística Inversa de Cambados terá un impacto positivo no mercado de traballo e disminuirá o desemprego (sobre todo femenino) pois creará postos de traballo en actividades ligadas ó sector de loxística e transporte, á propia Plataforma e, ademáis, potenciará novas inversións mediante o efecto multiplicador e de atracción de novas empresas. Será tamén unha oportunidade como novo mercado para operadores de transporte, almacenaxe e distribución. A construcción da Planta deriva dun proxecto transfronteirizo presentado pola Deputación ó Interreg-III-A.

Compartir en Twitter
Compartir en Facebook

GALICIA EN VINOS

Galicia en Vinos

Todos los vinos de Galicia

Consulta aquí todos los vinos de las cinco denominaciones de origen de Galicia


Enlaces recomendados: Premios Cine