Estrea do documental ‘Consello de Galiza’, hoxe, no Museo de Pontevedra

O Museo estrea hoxe ás 18.30 horas o documental ‘Consello de Galiza, o goberno galego no exilio’, seguido dun coloquio arredor da figura de Castelao. O filme será presentado polo seu director, Xan Leira, polo secretario xeral de Política Lingüística, Valentín García e polo vicepresidente da Deputación, Rafa Domínguez. O Consello de Galiza foi creado en Montevideo o 15 de novembro de 1944 e constituído, de facto, o 8 de decembro en Bos Aires, no fogar de Manuel Puente, empresario galeguista, coa participación de Alfonso Castelao, Ramón Suárez Picallo, Antón Alonso Ríos e Elpidio Villaverde.