Cuntis utiliza intelixencia artificial para o deseño do cartel da festa do lacón
A cita é a fin de semana do 8 e 9 de marzo, pero comeza días antes co TapaLacón

O cartel desta nova edición da festa gastronómica.
O Concello de Cuntis presentou publicamente o cartel oficial da súa famosa Festa do Lacón con Grelos, unha das citas gastronómicas de referencia na comarca e que reúne a unha gran cantidade de público. Este ano foi deseñado gratuitamente por Víctor Galdo, Axente TIC da Aula CeMIT, pertencente ao propio Concello de Cuntis.
O cartel da XXVI Festa do Lacón con Grelos de Cuntis, no que por primeira vez se fai uso da intelixencia artificial para o seu deseño, é moi evocador da tradición galega. Presenta un porco antropomorfo como protagonista, vestido cun elegante traxe e un chapeu, o que lle confire un aire festivo e un toque de humor.
O porco, como principal ingrediente do lacón, sostén unha cazola cerámica abondosa de lacón con grelos, o prato estrela da festa.
Ao fondo, pódese apreciar unha paisaxe típica galega, con montes e unha pequena aldea, que sitúa a festa no seu contexto rural. Este monte fai referencia a un dos picos da comarca como é o Monte Xesteiras e o seu famoso radar meteorolóxico.
Dende o Concello de Cuntis se salienta que o cartel «é unha representación gráfica fiel da esencia desta celebración, combinando tradición, gastronomía e humor de forma harmónica».
A festa celebrarase a fin de semana do 8 e 9 de marzo, pero arríncará xa esta semana, os días 21, 22 e 23 de febreiro, cunha nova edición do TapaLacón.
- El primer tramo de la A-57 apenas recibe 2.400 vehículos diarios
- La protectora de animales de Poio pide «ayuda urgente» para Pincho y Miki
- Samuel Kwesi, del ‘Villa de Pitanxo’: «Cuando yo no podía hacer nada, ellos me protegían a mí para que yo no muriera»
- Un coche queda volcado en la calzada en Sanxenxo tras colisionar con otro aparcado
- Cae en el peaje de la AP-9 en Pontevedra una banda itinerante de georgianos por robos en Vigo y otras ciudades gallegas
- La vinculación de la fiscal Marta Durántez con Pontevedra
- Un incendio afecta al edificio del Pañol Histórico de la Escuela Naval de Marín
- Un vecino de Sanxenxo con el carné retirado aparca en Nauta y se va sin pagar