Culturgal refoza o seu Espazo Arte, no que as galerías venderán obras

O Espazo Arte de Culturgal, que se puxo en marcha o ano pasado, medra nesta nova edición como «unha iniciativa necesaria en Galicia, unha feira de arte contemporánea con propostas novidosas e buscando a participación e o contacto co público», suliña a organización.

Así, apostarase «polas galerías e espazos de arte que representan modos de traballo novidosos en Galicia, explorando na relación entre a arte e a sociedade». Ademais, os asistentes a Culturgal poderán adquirir pezas desde 100 euros e ata 10.000 euros

Os responsables da feira indican que o Espazo Arte do Culturgal é un proxecto integrador e amplo que «quere atender á realidade cultural das galerías e dos novos espazos de arte, na lóxica de que integran una parte fundamental da industria cultural, e sobre todo viven do contacto co público, tanto profesional como afeccionado».

Avanzan que propostas como «Pombal Gallery» buscarán a reflexión a través de «A Invitación», que parte da idea de «arte social». Esta iniciativa pretende, engaden, «mobilizar ao público, repartindo entradas á feria, proporcionándolles transporte e invitándolles a un petisco-pack».

Destacan tamén o ciclo de performances da Facultade de Belas Artes «Neodoctrinas», comisariado por Lupercais Arte (Lucía Estévez e Lucía Leirós). Haberá por outra parte unha performance de Andrea Mosquera Guerrero (Galería Sarao Studio).

O programa de arte de Culturgal inclúe os obradoiros de arte de Xosé Vilamoure (galería Dodo Dadá) e de cianotipia (galería La Doce), e mesas de debate sobre Arte e compromiso social (A Colectiva) ou sobre os espazos alternativos para a arte.