O Concurso de Música Tradicional Soalleira reunirá a grupos procedentes de toda Galicia
Reparte 3.500 euros en premios o 7 de maio no auditorio de Sanxenxo
Redacción
O Concurso de Música Tradicional Soalleira celebrará a súa quinta edición o vindeiro 7 de maio no Auditorio Emilia Pardo Bazán. A cita que ten fixada a súa data no segundo domingo do mes de maio, salvo excepcións, cambia este ano o día para non coincidir co Concurso de Baile Tradicional Xacarandaina que mudou a súa data por mor das eleccións municipais. A Asociación Cultural Soalleira que se encarga de organizar o certame xunto co Concello de Sanxenxo iniciará nestes días o envío das bases do concurso, vía correo electrónico, ás agrupacións que, para participar, deben enviar a súa inscrición ao mail soalleira@gmail.com. Nesta edición na que xa non existe restrición sanitaria de ningún tipo, prevese que a participación supere á da edición pasada na que asistiron 38 agrupacións das catro provincias galegas.
No concurso poderán participar asociacións folclóricas, culturais, xuvenís, colectivos veciñais ou Anpas sen ánimo de lucro. Haberá catro categorías. A categoría A (ata 10 anos) e a categoría B (de 11 a 13 anos) optarán a un primeiro, segundo e terceiro premio valorados en 300, 200 e 100 euros, respectivamente, mentres que a categoría C, agrupacións con idades entre os 14 e os 17 anos, repartirá 400 euros para o primeiro premio, 200 para o segundo e 100 euros para o terceiro. Pola súa banda, a categoría D (maiores de 18 anos), terá un primeiro premio de 800 euros, un segundo de 400 e un terceiro de 200 euros. Ademais, haberá dous accésits de vestiario valorados en 100 euros.
A cita poderá seguirse vía streaming e nunha pantalla que se colocará na carpa que se instalará na entrada exterior do Auditorio onde os grupos poderán ensaiar, descansar e prepararse para as actuacións.
- Un carné que “ya no es una prioridad”
- Hugo Vázquez, un gimnasta para la historia
- Juan Carlos I ya está en Sanxenxo en su segunda visita del año a la ría
- El ministerio de Transportes anuncia obras por 8,7 millones en las carreteras nacionales de Pontevedra en plena campaña de críticas del PP
- Un vecino de Vilagarcía acepta dos años de prisión como autor de un delito de abusos sexuales a una menor
- Me voy a buscar una ruina porque yo a ti te mato", escribió a la víctima un acusado de violencia machista
- El conductor de un taxi da positivo por alcohol tras colisionar con un camión en Poio
- Dos incendios en apenas media hora afectan a un coche y a una casa en Poio