O portavoz municipal do BNG en Caldas, Manuel Fariña, reclama que O Salnés teña todo o ano unha ambulancia medicalizada, a cal no verán é trasladada a Sanxenxo para reducir os tempos de resposta. “Os tempos medios de resposta desde Vilagarcía a Caldas son oito minutos (15 a San Clemente ou Carracedo, pero só dous a Godos ou sete a Saiar), mentres que desde Sanxenxo son 40 minutos”, lembra Fariña, quen denuncia tamén que “o centro de saúde de Caldas está baixo mínimos”.
