Alborada do Centro Gallego de Mar de Plata, nas Festas do Carmen de Baltar

O conxunto artístico Alborada do Centro Gallego de Mar de Plata actuará nas Festas do Carmen de Baltar o sábado ás 21.30 horas. Esta agrupación de baile e música tradicional participou o pasado sábado no VI Día da Galicia Exterior, unha xornada de confraternidade organizada pola Secretaría Xeral da Emigración que reuniu a máis dun millar de galegos do exterior. O Centro Gallego de Mar de Plata é unha das comunidades galegas no exterior que reúne a persoas emigrantes e as súas familias para manter vivos os costumes e reforzar os lazos sociais e culturais con Galicia.