Poio retoma o programa “Cóidate sempre” para os maiores do municipio

A Concellería de Benestar Social e Mocidade de Poio recupera “Cóidate sempre”, unha iniciativa que estreou na primavera do ano pasado e que, dado o seu éxito, volverá a desenvolverse durante os meses de xullo e agosto. A través deste programa, o departamento dirixido por Rosa Fernández ofrece clases de ximnasia ás persoas maiores, totalmente gratuítas. As sesións terán lugar os mércores e venres, a partires das 11.00 horas, nos exteriores da Casa Rosada e na explanada da Seca, respectivamente.

Durante esa primeira edición apuntáronse unhas 120 persoas aproximadamente. Agora, os e as interesadas en anotarse poderán facelo na Casa Rosada ou chamando ao número de teléfono 986872401.