Xa se coñecen os nomes das finalistas do XVIII Premio Afundación de Xornalismo Fernández del Riego.

Miriam Ferradáns, polo seu artigo «Dallas», publicado o 10 de novembro de 2020 en Nós Diario; Patricia Hermida, por «Historia de como Avó Antonio subiu ao ceo», publicado o 5 de maio de 2020 en El Correo Gallego; e Cláudia Morán por «Un deserto», aparecido o 18 de novembro de 2020 en Nós Diario.

O xurado, integrado por Víctor Freixanes, Carlos Valle, Fina Casalderrey, Gloria Rodríguez e Cristina Pato, destacó “a calidade dos textos presentados, como o papel esencial que o xornalismo desempeña e que, en momentos tan extraordinarios e complexos como o actual, require grandes esforzos e se nos revela imprescindible”.

Víctor Freixanes tamén quixo destacar o aumento dos artigos presentados, 29, dos que 18 foron escritos por mulleres.