A Biblioteca Municipal Vidal Pazos acollerá mañán, sábado, ás 12,00 horas no salón de actos, a actividade musical "Carvalho Calero e Antonio Fraguas: Cantando as nosas letras", dirixido a todo tipo de público, a partir de nenos de 5 anos.
Esta actividade, enmarcada no programa "Ler conta moito" estará protagonizada por Xoán Curiel, que canta a Antonio Fraguas e a Carvalho Calero, facendo un percorrido musical pola obra destes escritores, engadindo experiencias vitais destes autores.
A entrada será libre até completar aforo (30 persoas máximo) e contará con todas as medidas de seguridade e de prevención asociadas á Covid19.
