Unha homenaxe a Rosalía abre a Semana das Letras

Os actos de homenaxe ás Letras Galegas comenzan hoxe en Marín, cunha actividade organizada polo Clube de Opinión Portocelo. O programa de "Recordando a Rosalía" dará comenzo ás 19.30 horas na Alameda de Marín, cunha concentración ante o monumento a Rosalía de Castro, para realizar unha ofrenda floral, seguida da actuación do grupo de cantareiras "As Chaneiras" e do gaiteiro Adrián Ínsua.

A continuación, no Museo Municipal Manuel Torres impartirase unha conferencia sobre "O que queda por saber sobre Rosalía", a cargo de Pilar García Negro, profesora da Universidade da Coruña e investigadora sobre a vida e obra da nai do Rexurdimento galego. Este acto, que comenzará ás 20.00 horas, será presentado pola escritora Asun Estévez.

Ás 21.00 horas dará comenzo un recital poético-musical con poesías rosalianas recitados por Josefa Area ("a poetisa de Marín"), Teresa Landín (presidenta do colectivo de Mulleres O Abeiro), Asun Estévez (escritora) e Luisa Pintos, (mestra e poetisa). O coro de cámara marinense Thalassa porá música ao recital interpretando o poema "Cada noite eu chorando pensaba".

Para concluir esta actividade de homenaxe a Rosalía, ás 22.00 horas farase entrega dun recordo simbólico aos colaboradores en nome da organización e da Fundación Rosalía de Castro.

Queremos Galego

Tamén a Asociación Queremos Galego Marín organiza tres actividades arredor da lingua e o mundo da ilustración co gallo do Día das Letras. Son a "Exposición das Letras Galegas", o venres 16 de maio, a partir das 19.30 horas no Museo Manuel Torres, a presentación do novo libro de Héitor Picallo "Coa lingua na terra", a continuación do anterior, e a presentación do libro "O bichero, menudo día" , do artista e colaborador de FARO Luis Davila. Esta presentación será o xoves 22 de maio a partir das 19.30 horas no museo Manuel Torres.