El Pazo da Cultura acolle os actos centrais do Día das Letras Galegas

O Concello de Sanxenxo desenvolverá o vindeiro sábado un acto conmemorativo do Día das Letras Galegas que xirará en torno a Xosé María Díaz Castro, o autor homenaxeado nesta edición.

A Concellería de Cultura, en colaboración coa asociación cultural Ecobateas, porá en marcha un festival aberto a todo o público e que comezará ás 20.00 horas no Auditorio do Pazo Emilia Pardo Bazán, situado en Miraflores.

"A idea da organización é abrir a celebración dun día tan noso e especial, como é o 17 de maio a todo os veciños e veciñas facendo que pasen un intre agradable entre as nosas letras", sinalou a concelleira delega desta área, Paz Lago.

Actos

Por iso, ademais dunha charla sobre Xosé María Díaz Castro, a proposta municipal incluirá unha proxección audiovisual na que os cidadáns deste municipio serán os protagonistas.

De feito, nenos e maiores explicarán ante a cámara o seu sentimento sobre o idioma galego.

Posteriormente, un grupo de veciños e veciñas realizará unha interpretación narrativa 'A tía Lambida' de Eduardo Blanco Amor. "Tamén haberá unha sorpresa dentro do ámbito musical cunha peza creada especialmente para ese día", adiantou a concelleira.

Concerto

Para rematar o festexo, a Banda de Música de Sanxenxo, integrada por xóvenes valores, ofrecerá un concerto cun repertorio ensaiado especialmente para este acto que terá como escenario o auditorio do Pazo Emilia Pardo Bazán.